كتب الصديق
Rachid Dhouibi
قدس الله سرّه
علاش الرّئيس هبط يعفّس في الماء
والطين برجليه ؟
حين يهبط رئيس دولة إلى الماء والطين، فالسلوك هذا ماهوش بريء ولا عفوي، حتّى لو قُدِّم هكّة
السّلوك هذا عندو في السّياسة برشة أبعاد متداخلة
1- تعويض غياب الحلول بالفعل الرمزي
وقت اللي تكون الحلول الهيكلية (بنية تحتية، تخطيط، محاسبة) غايبة أو بطيئة، الصورة تعوّض القرار. النزول للماء يعطي إحساسا بالفعل، حتى لو الواقع ما تبدّلش. هو فعل سياسي سريع في زمن الأزمة
2- تحويل الكارثة من مسؤولية إلى مشهد
بدلا من أن يكون السؤال : علاش غرقت البلاد؟
يولي: شفت الرئيس كيفاش هبط للطين؟
هنا تتحوّل المأساة من ملف محاسبة إلى لحظة تعاطف، ومن سياسة عمومية إلى لقطة إنسانية
3 – رسالة للبيروقراطية قبل الشعب
المشهد موش موجّه للناس برك، بل للإدارة
«أنا حاضر ميدانيًا، نراقب، نضغط»
هو أسلوب حكم يعتمد على الشخصنة،وموش على المؤسسات: الرئيس حاضر جسديًا، بدلا من أن تكون الدولة حاضرة هيكليًا
4 – البعد الرمزي (صورة القرب)
المشهد يقول: «أنا معاكم، نغرق كيفكم، ونوسّخ ساقيّ كيفكم». هو خطاب بصري موجّه للناس قبل أي كلام. الدولة اللي عادة تُرى من فوق، تحب تظهر فجأة في مستوى الأرض… والطين. هذا يخاطب العاطفة أكثر من العقل
باختصار شديد
النزول إلى الماء والطين هو سياسة بالصورة
محاولة لإثبات القرب
وسدّ فراغ الحلول
وتوجيه الغضب بعيدًا عن السؤال الحقيقي
من المسؤول؟
ولماذا يتكرر نفس المشهد؟
