المهاجرين غير الشرعيين مسؤولية قيس سعيد قبلهم وقبض حق قبولهم وخبا اتفاقيتو مع اوروبا…يسكت لصديقو تبون كي يسيبهم علينا من الحدود الغربية ويحصرهم في تونس ويقبلهم كي ترحلهم أوروبا…ومع هذا مسيب انصارو خاصة الجهال يشيطنو الحقوقيين والنشطاء والفنانين(توا جا طريق لطفي بوشناق على غناية قديمة تعملت قبل ظاهرة الهجرة )
تخميرة كبيرة تستهدف ناس ما عندهمش دخل سوى الوصايا باحترام القانون والانسانية في معاملة المهاجرين ..ولا حد يحمل المسؤولية لرئيسهم المعصوم من المساءلة واللي يغلط وغيرو يخلص
قيس سعيد يعرف هذا المليح ومسيبهم يغلطوا في حق الناس: يعرف اللي صاير في سعدية مصباح وسنية دهماني ورشيدة وغيرهم. وما صلحش انصارو ولا فيقهم بغلطهم ….مشكل المهاجرين صعيب لكن عندو حلول يلزم تجي من الدولة….جربوا مخالفة الاتفاقية مع ميلوني وسيبوا البحر ..بعد شهر على اقصى تقدير ما تلقاوش ريحتهم
#ما_جاوش_باش_يقعدوا
نزيهة رجيبة