ما نعرفش نوصف الوضع الي احنا فيه
ظلام لم أعرفه منذ الصغر
لا شيء يضيء غير بعض النجوم في السماء
ظلام لا تقدر تفرز فيه انت فين و لا فين تنجم تمشي
ظلام حالك بشكل غير ممكن نتصوره في مدينتنا
وصلت لها بعد أزمة البنزين نلقى الماء الصالح للشرب الى اليوم مفقود رجعنا نشرب من الماجل و نغسل من البئر و قريب نشعل بالغازة
امي مريضة باش توصل لبيت الراحة في الظلام عذاب نحمد الله انها تتنفس بآلة موش بالكهرباء و الا راهي تخنقت أكثر من مرة
الحاصل العذاب في كل دار وجيعة عائلات الناس الغارقة وجيعتنا الكل
بكلهم إخوتنا في ها الوطن
بكلهم يقاسمونا الظلام و العطش
بكلهم يبحثوا على النور في مكان ما من العالم
فشلهم في بلوغ الهدف هو فشلنا في إيجاد الحلول و الخروج من الظلمات الى النور
وجيعتهم وصلتنا كيف ما وجيعتنا وصلتهم فحاولوا يهربوا
يعجز اللسان على الوصف
اما الثابت اننا نحتاج الى وقفة تأمل و مراجعة
هناك شيء ما غلط
راضية الجربي