Mehdi n’avait jamais vu Sonia pleurer autant.

Il y a des jours où un drame en chasse un autre. Des jours où la douleur s’entasse, se superpose, jusqu’à étouffer. Des jours où l’on croit que notre dernière heure est arrivée, tant le trop-plein devient insupportable. Et pourtant, on reste debout. Pas par miracle. Par nécessité. Par devoir. Par rage. Et par dignité.

Aujourd’hui, Sonia a été emmenée seule au tribunal. Sans la prévenir, ni elle, ni ses avocats, ni sa famille. Les garçons sont allés à la prison, elle n’y était pas. Ils ont attendu son retour, pour la voir, pour comprendre. Elle leur a confirmé qu’elle avait été convoquée sans avertissement, seule face à la machine. C’est elle qui a dû demander un report pour pouvoir prévenir ses avocats. L’audience aura lieu lundi prochain, le 16 juin. Mais Sonia n’était pas surprise. Pas même choquée. Elle a l’habitude. Tout ça fait partie de la mascarade.

Mais ce qui a brisé Mehdi, c’est que, pour la première fois depuis son incarcération, Sonia s’est écroulée. Elle a fondu en larmes. De vrais sanglots qui lui coupaient la voix. Parce que dans sa cellule, elle est harcelée par Wahiba, une ancienne codétenue, récemment nommée cheffe de cellule. Wahiba, condamnée à 13 ans fermes pour prostitution, traite d’êtres humains et exploitation d’une femme enceinte. Une femme instable, violente, soumise à un traitement psychiatrique lourd, hautement diabétique, capable de passer de l’apathie à la furie en une minute. Et désormais, toute-puissante.

Pourquoi toute-puissante ? Parce qu’une colonelle, Najoua, s’arrête chaque jour devant la cellule, et lui dit, devant toutes les détenues :

« Wahiba, tu as besoin de quelque chose ? Tu me demandes. Tu veux des cigarettes? Tout ce que tu veux, n’hésite pas je suis là pour toi. »

Depuis, Wahiba est devenue incontrôlable.

Elle vole les cigarettes de Sonia, ses produits d’hygiène, ses affaires. Elle terrorise les codétenues, au point qu’elles n’osent plus parler à Sonia ou l’aider, comme elles le faisaient depuis qu’elle est malade et qu’elle a du mal à bouger, comme pour laver son linge, par exemple. L’atmosphère est devenue suffocante. Sonia est totalement isolée.

Cela fait plus d’un an que Sonia est en prison, et jamais elle n’a eu le moindre conflit ou le moindre incident avec quiconque, avant l’arrivée de cette femme.

Wahiba en plus d’être une balance fais des rapports mensongers. Un exemple : Sonia a demandé à une autre détenue pourquoi elle était incarcérée. La femme a commencé à énumérer les chefs d’accusation. Sonia a dit en riant qu’il lui faudrait un cahier et un crayon pour retenir tout ça. Wahiba a rapporté :

« Sonia Dahmani a un cahier caché où elle note tout ce qui se passe. »

Tous les jours, elle invente. Tous les jours, elle cherche à lui coller une nouvelle accusation.
Mehdi n’avait jamais vu Sonia pleurer autant. Ne l’a jamais vue aussi terrorisée. Elle l’a dit clairement :

« Aidez-moi. Prévenez l’opinion. Prévenez les responsables. Portez plainte. J’ai peur. J’ai vraiment peur de cette femme, elle peut inventer n’importe quoi, cacher n’importe quoi dans mes affaires. J’ai peur pour mon intégrité physique»

Il faut aussi savoir que depuis des mois, Wahiba est nourrie par nous, donc par Sonia. Elle n’a pas de couffin, et Sonia partage toujours avec ses codétenues. Et même depuis qu’elle est devenue cabrana et qu’elle a commencé à la harceler, Sonia continue à partager avec elle. Mais, la sachant superstitieuse, elle a fait une prière à haute voix, demandant à Dieu de se venger de quiconque partagerait son eau et son pain tout en lui faisant du mal ou en étant injuste envers elle. Depuis, Wahiba a arrêté de manger avec Sonia. Préférant étonnamment la galba de la prison. Ça sonne comme un aveu.

Mehdi est allé voir la responsable de la communication avec le citoyen. Il lui a tout raconté. En détail. Il lui a dit que nous portions plainte, et que nous tiendrions pour responsables la Direction Générale des Prisons, la direction de la prison de la Manouba, la Ministre de la Justice et l’État tunisien pour tout ce qui pourrait arriver à Sonia. Et qu’on ne se tairait pas.

La fonctionnaire est immédiatement allée prévenir la directrice, Malek Dallaï. Celle-ci a assuré qu’elle n’était pas au courant, qu’elle allait convoquer Sonia sans délai pour entendre sa version, et qu’une décision serait prise.

Demain, quand les avocats verront Sonia, nous saurons. Si Wahiba a été changée de cellule, cela prouvera que Malek Dallaï ne savait effectivement rien. Sinon…, on se posera la question. Je mettrai ce statut à jour demain pour vous dire ce qu’il en est.

Mais ce soir, je ne veux plus entendre qu’il faut être patient. Je ne veux plus qu’on me parle de lendemains meilleurs. Ce soir, je tiens. Mais je suis au bord. Au bord de tout. De la folie. De la colère. De l’épuisement. Et de l’explosion. Mais pas au bord du renoncement.
Je continue. Je continuerai. Parce que Sonia ne mérite pas ça. Parce que chaque minute où elle tient est une leçon de courage. Et parce qu’on ne nous fera pas taire.

**************

فمّا نهارات تقول ماصابني ما فقتش. مالفجاري من مصيبة لمصيبة. نهارات وين الوجيعة تخنقك، توللي لكلك تسطّر و يتقص عليك النفس. نهارات توصل تقول سايا وصلتها يا رملة، بدنك ما عادش ينجم. ومع هذا، تقعد واقف. موش خاطرك بطل، لا تقعد واقف خاتر ما عندك حتى خيار آخر . تقعد واقف خترك البَحْرُ أمامكم و العدو وراءكم تقعد واقف بالغصّة أما تقعد واقف. تقعد واقف خاترك ما تنجمش اطّيح.
اليوم، حلّيت عينيّا على هزّو سنيّة للمحكمة وحدها. لا قالولها لا ليها، لا للمحامين لا لينا. مشاو لولاد للحبس، ما لقاوهاش. ستناو حتى يروحو بيها بش يشوفوها و يتهناو. كي جات قالتلهم هزوني حسّ كنسّ، لقيت روحي وحدي. طلبت تأجيل القضية باش نعيّن محامي. تأخرت الجلسة للنهار الإثنين، 16 جوان. سنية نرمال لا بهتت لا تصدمت ستانست هذوكا هوما معاملاتهم.
أمّا اللي هدّ مهدي، هو اللي أوّل مرّة يشوف سنية طايحة و تبكي بالشّهقة و مرعوبة. يحكيلي قالي على ماهي تبكي ما عاتش تنجّم تتكلم. مناش؟ من وهيبة الكبرانة الجّديدة. وهيبة، كانت مربوطة معاهم تسمّات كبرانة. وهيبة هاذي، محكومة بـ13 سنا من اجل الخناء و التجارة بالبشر و استغلال امرأة حامل. مريضة بعصابها كل يوم لازمها دواء العصاب، مريضة بالسكّر، كي يطلعلها تتسيّب كي الغولة. وهيبة المحكومة عالدعارة و التجارة بالنساء مسيبينها تتكبرن على سنية و تهرسل فيها.
و زادت تقوّات و تسيبت خاطر كولونالا اسمها نجوى – موش مالك الدلّاي – كل صباح تقف قدّام البيت، وتقولها:
“وهيبة، لاباس؟ تستحق حاجة ؟ تحب سواڤر؟ تستحق اي حاجة قولي، ما تحشمش، هاني هوني.”
ومن وقتها، وهيبة شبّت الخلا.
هاي سرقتلها سواڤرها، هاي سرقت شمبوان و الاومو و دبشها. راعبة المرابيط بالتقارير، طيرت منهم تلاثة، للي ما عاد حتى وحدة تحب تكلم سنية، ولا تعاونوها حتى على غسيل حوايجها و هي مريضة و تتحرّك بالسيف. الجو مكهرب يخنق. سنية معزولة و وهيبة تعبر.
سنية عام وشهر في الحبس، عمرها ما صارلها مشكل مع حتّى حدّ. هي صاينة قدرها و هما يحبوها. لا عرك، لا كلمة زايدة. للي سيّبو عليها وهيبة.
وزيد لا يزّي وهيبة تصب و تعمل في التقارير لا يزّي تكذب. سنية تنشد في مربوطة جديدة علاش تشدّت، بدأت تسرصتلها في القضايا. قامت سنية تضحك وقالتلها يلزمنني كرّاسة وستيلو باش نشدّ هذا الكل يمشي فيها تقرير:
“سنيّة الدّهماني عندها كرّاسة تكتب فيها في كل شي و مخبيتها. »
يوميّا تتبلى عليها. يوميّا تحاول تلفّقلها تهمة جديدة.
مهدي خرج مصدوم، بالغصّة. عمرو ما شاف سنية تبكي هكّا. عمرو ما شافها خايْفة بالصيفة هاذي. قلتلو
« عاونوني. اعلمو الناس،. أعلمو المسؤولين. قدّمو شكاية. قلتلو راني مرعوبة ما عاتش نرقد خايفة منها. تنجم تلفّقلي أيّ تهمة، تنجم تحطلي اي حاجة في حوايجي. خايفة على روحي.”
و للّا وهيبة هاذي توى اشهرة عايشة من خير سنية. ما عندهاش قفّة، وسنية تقسم معاهم الكلّ. بيناتهم ماء و ملح. حتى كي ولّات كبرانة و تهرسل فيها، ما قصّتش عليها الماكلة. أما تعرفها تخاف مالدّعاء يخي قالت
“ياربي، خوذلي حقي و طيح في كل واحد بيني و بينو ماء و ملح، ضلمني و تبلّى عليا.”
من نهرتها، وهيبة بطّلت الماكلة مع سنية و ولاّت تاكل في الڤلبة متاع الحبس. يندرى علاش.
بعد البرلوار مهدي مشى للمسؤولة على التواصل مع المواطن و حكالها. وقاللها رانا بش نشكيو ورانا نحمّلو مسؤولية اي حاجة تصير لسنية من تحت راس المرى هذي للإدارة العامة للسجون و الإدارة حبس منّوبة و لوزيرة العدل و وللدولة التونسية، وقاللها العبو كيما تحبو ماناش ساكتين.
مشات طول للمديرة ملاك الدلّاي،.و كي رجعت قتلو المديرة ما كانش في بالها و هاي بش تعيّط لسنية تستنطقها و بعد تأخذ قرار.
تو نشوفو غدوة، كي يمشيولها المحامين، شنوى صار. إذا وهيبة تبدّلت مل بيت، يمكن مالك الدلّاي بلحقّ ما في بالهاش. وإذا ما يتبدّل شي و وهيبة تقعد تتكبرن افهمو وحدكم. غدوة نقوللكم شنوّة صار.
اليوم ،مخّي ما عاتش يقبل كلمة اصبر و الحيّ يروّح. ما عاتش يقبل عيش بالمنى يا كمّون. اليوم واقفة على حرف هفهوف، واقفة اما بش يتقطّعلي عرق في مخّي. بيني و بين الهبال و الإرهاق و الطّرشيق شعرة. حاجة بركة ما وصلتلهاس و عمري ما نوصللها الاستسلام.
باش نكمل. باش نكبّش خاتر سنيّة ما تستاهلش هللي عاملينو فيها الكل. خاتر كل دقيقة سنية تقعد واقفة و صنديدة اكبر درس في
الشجاعة. و زادة خاتر… ما يسكتوناش.

Ramla Dahmani Accent