كشفت المصارعة التونسية شهد الجلجلي ، في رسالة إلى الرأي العام ، عن دوافع مغادرتها بعثة ألعاب تارانتو 2026
واختيارها طريق الهجرة، مرجعة قرارها لظروف مادية ورياضية قاسي
*********
السلام عليكم و رحمة الله و بركاته
انا المصارعة شهد الجلجلي انتمى الى المنتخب الوطني التونسي للمصارعة النسائية. بطلة تونس 7 مرات
متحصلة على 3 ميدالية ذهبية صنف صغريات و ثلاثة
ميداليات برونزية صنف كبريات في البطولة الأفريقية
ذهبيتين مع فضية في بطولة العربية
اول حاجة نحب نقدم اعتذار من عائلتي الي حيرتهم و تعبتهم معايا و خذيت قرر الهجرة بدون موافقتهم او حتى اعلامهم اما مكانش عندى حتى خيار نحب نقلكم يا جماعة راتب رياضي النخبة التونسية اليوم قدره ( 250 دينار) و نخذو كل 6 شهور (هذا كان خذيتهم .. ) نحب نقلكم الي منحة البطولة الإفريقية لسنة 2024 2026 لتوا ما خذيت منهم ولا مليم … و من شهر ماي مخذيناش المنحة (الشهرية)
نحب نقلكم الي انا نترنا صباح و عشية بدون مكملات غذائية مع العلم الي انا اقل حاجة انقص 9 كغ في كل دورة دولية او خارجية
نحب نقلكم انو المصارع التونسي اليوم طموحو الوحيد يسمع كلمت (راهم صبو .. ) مع هذا تسمع كان الكلمة الخايبة
قبل بطولة البحر الأبيض المتوسط قمنا بمعسكر في « كيرقستان » نترنا مع بنات صنف أصاغر عمرهم (14سنة و 15سنة) وأنا ماشية نلعب في بطولة كبيرة مع ابطال عالم .. و مباعد يحطو لوم الكل عليك كي متعملش نتيجة
نحي الوضع الي قعدة تتعدى بيه البلاد في الوقت الحالي
هذي وضعية تحبوني نقعد فها…؟
لكن أنا مزال عند هدف و انشالله حلمي قدامي و بش نوصل وين نحب والحاجه ألي تمنيتها
بش يجي نهار و نرفع علم بلادي
و حسبي الله ونعم الوكيل في كل عبد قال كلام موش فيا .. و نحب نقدم رسالة اعتذار لمدربي محمد علي بوزيان