Encore un lundi. Encore un jour sans Sonia.
En Tunisie, quand un prisonnier « normal » purge sa peine, il paie sa dette. Il a violé, il a tué, il a volé, il a agressé. Alors on l’enferme. On lui prend sa liberté, mais on lui laisse encore des morceaux d’oxygène. On lui laisse de quoi survivre : des ateliers de cuisine, de couture, de coiffure, de théâtre, de pâtisserie, des études, des examens. On lui offre quelques miettes d’humanité pour ne pas mourir debout.
Sauf si…
Sauf si son crime représente un vrai danger pour la société.
Sauf si son tort est de parler, de dénoncer.
Le crime de Sonia n’est pas d’avoir tué ou volé. Son crime est plus grand encore aux yeux du pouvoir : être une voix libre.
Une voix qui parle. Qui refuse de se taire. Qui dénonce. Qui met les mensonges du pouvoir à nu. Pour ça, tout s’arrête. On l’enterre vivante. On lui arrache tout. On l’enferme dans un quartier de haute sécurité, non pas parce qu’elle a violé ou tué, mais parce qu’elle représente le pire des dangers : dire la vérité. Sa voix fait peur.
Elle n’a droit à rien. Pas d’ateliers. Pas de cours. Pas de livres. Pas de journaux. Pas de radio. Rien.
Seulement la télé nationale et ses images grotesques d’un guide suprême qui inaugure une piscine, ou qui parade dans une station d’épuration, lui qui a noyé la Tunisie dans ses propres excréments. Voilà le menu. Voilà ce qu’on réserve à celles qui osent parler.
Elle reste là, enfermée dans ce vide. On laisse son corps s’user, son esprit s’éteindre. On la tue à petit feu.
Et le supplice ne s’arrête pas là.
Non. Ils savent aller plus loin. Toujours plus loin dans le sadisme.
Dans sa cellule, ils mettent des femmes condamnées à dix, quinze ans. Elles survivaient à leur peine grâce aux ateliers, aux études, aux examens. Des femmes qui avaient encore droit à un souffle. Qu’on récompensait de leur travail par un parloir sans vitre, par des moments d’humanité avec leurs proches. Des moments où elles pouvaient encore embrasser leurs enfants, serrer une main, toucher une joue. Le seul souffle qui leur restait.
Depuis qu’elles partagent l’espace de Sonia, tout a disparu. Plus d’ateliers. Plus d’études. Plus d’examens. Plus de parloirs directs. Rien. L’étouffement à l’état brut.
Elles dépérissent. Elles s’éteignent. Jour après jour, elles se noient dans la dépression. Et Sonia est obligée de regarder ça. De vivre ça. Elle n’est pas seulement en train de mourir à petit feu. Elle est obligée de porter aussi leur agonie. De se dire que c’est à cause d’elle qu’elles n’ont plus rien. Leur douleur se rajoute à la sienne. Elle vit avec cette pensée insoutenable qu’à cause d’elle, elles ont tout perdu.
Aujourd’hui, quand Mehdi est allé la voir, elle lui a dit son désespoir. Pas seulement pour elle, mais pour ces femmes qu’elle regarde s’éteindre. Elle lui a dit qu’il n’y a plus d’horizon. Qu’il n’y a plus d’espoir. Ni pour elle, ni pour elles.
C’est ça, la torture.
Pas seulement enfermer.
Écraser. Briser. Humilier. Détruire jusqu’au dernier souffle.
Ma sœur meurt à petit feu dans ce quartier de haute sécurité. Et avec elle, des femmes qui n’avaient rien demandé. Des femmes qu’on a condamnées une deuxième fois. Des femmes qu’on a privées même de l’espoir.
C’est ça la véritable cruauté : Sonia n’est pas seulement emprisonnée. Sonia est tuée à petit feu, chaque jour, par ce système qui broie les corps et les âmes, par ce pouvoir qui préfère laisser pourrir une femme dans l’ombre plutôt que d’affronter la vérité qu’elle porte.
Voilà ce qu’est la Tunisie aujourd’hui. Voilà ce qu’ils font à ma sœur. Voilà ce qu’ils font à Sonia.
************
نهار اثنين. نهار برلوار. نهار آخر بلا سنية
في تونس، المربوط «العادي» يدخل للحبس، يسكّرو عليه حتى يخلّص دينو. يتشد على جرم، خاطرو يمثل خطر على المجتمع، يا قتل، يا اغتصب، يا سرق، يا عنّف. يدخل للحبس. يتحرم من حريتو، أما يخليولُو شوية نفس. يخليولو ڤرام امل بش يعيش: ورشات متاع طاطيب، خياطة، حجامة، مسرح، باتيسري. يقرى، يعدي باك و لا حتى يمترز.. يلوحولو فتافت إنسانية باش ما يطيحش و ما ينتحرش
إلاّ إذا يمثل خطر ينجّم يهد مجتمع
إلاّ إذا الجريمة متاعو حاجة كبيرة ياسر متاع ادّردع حكومة
إلاّ إذا «ذنبُو» إنو صوت حر
سنية لا قتلت لا سرقت. ذنبها أكبر بارشة في عينين السلطة، سنية تكلمت
صوتها حرّ يلعلع. ما يسكتش. تفضح. تعرّي كذب اللي حسبين رواحهم سيادنا. حاجة ما ينجموش يقبلوها، خطر لازمهم يوقفوه. حلّ واحد يدفنوها حيّة. ينحيلوها كل شي. يحطّوها في بلوك حراسة مشدّدة ( تقول بن لادن) . موش خاطرها اغتصبت ولا قتلت. لا خاطرها قالت الحقيقة. خاطر صوتها يخوّفهم
ما عندها حق في شي. لا ورشات. لا قراية. لا كتب. لا جرائد. لا راديو. حتى شي
كان التلفزة الوطنية الغدّاد اللي تردّد، هاو سيدهم «القائد الأعلى» يدشّن في بيسين، و إلاّ هاو مفرعن في محطة تصفية إلخرى حاشاكم، تقول مش هو اللي غرّق تونس في الميلوسي للعينين. هذاك اللي فمى، تكلّمت، ندفنوك
سنية مسكّر عليها، قلتها قبل و نعاودها، يا قاعدة على سطل يا متّكية على فرش حديد مصدد. بدنها تهدّ، و مخها بشوية بشوية قاعد يطفى. يقتلو فيها بالعرق
و زيد العذاب ما يوقفش غادي
لا. يعرفو كيفاش يتفننو و ينزلو عليك للي تموت بالقهر
يحطّولها في بيتها نساء محكومين بعشرة، بخمستطاش سنة. عايشين و حاملين الربطية متاعهم بالخدمة في الحبس. عندهم الورشات بش يتعلمو صنعة و إلا قراية، يعديو باك، فما حتى شكون قرات تعليم عالي. عايشين باكْ النفس هذاك. كي يخدمو و إلا يقراو يوليو عندهم حق في برلوار سباسيال بلاش بلار. سويعة إنسانية مع عايلاتهم. يعنقوهم و يبوسهم و يشمو ريحتهم. النفس الوحيد إلي عندهم
اما من نهار اللي حطو ساقهم في بيت سنية، امسح مات على هذاك الكل. يتنحالهم كل شي. لا عاد لا خدمة، لا ورشات، لا قراية. لا هم يحزنون. و بالطبيعة يتنحالهم البرلوار سباسيال. يقعدلهم كان لحيوط و قيس صعيد يرطع في التلفزة
اللي تعدي معاها شهيرين تضرب إكتآب، و اتدبرم و توللي نواح و عزيها تقبل العزاء
و سنية تتفرّج. تتفرج فيهم يموتو بالعرق. هازة حملهم فوق حملها. مقهورة خاطرهم زهرهم حطهم معاها تحرمو من كل شي. الوجيعة متاعهم تتزاد للوجيعة متاعها و القهر متاعهم يقتل فيها من داخل
اليوم، مشالها مهدي، قالتلو بش نموت بالقهر. قالتلو ماعاتش نجم .موجوعة موش كان على روحها، موجوعة على اللي معاها زادة. قالتلو الدنيا تسكرت في وجهي. ما عادش فما أمل. لا ليا. لا ليهم
هاو التعذيب و إلا سيب
موش حبس و برى
لا لازم يهدوك . يسحقوك. يهينوك. يدمروك حتى لآخر نفس
أختي قاعدة تموت بالعرق في بلوك « س » متاع الحراسة المشدّدة. ومعاها نساء ذنبهم الوحيد أنهم معاها.. نساء تحكم عليهم مرّة أخرى. نساء تحرموا حتى من الأمل
وهذاكة هو القهر الحقّاني: سنية ما هيش في الحبس و برى. سنية قاعدة تتقتل بشويّة بشويّة، كل يوم، بسيستام يهد البدن و الروح. سيستام يخلّي مرأة تنتن في الحبس على كلمة خاترو جبان و ما ينجمش يحمل كلمة الحق
أختي قاعدة تموت هي و اللي معاها اللي في بالهم بش يلقاو فاش يكبشو بش يقصّرو النهار و يتعلمو حاجة يلقاوها نهارة اللي يخرجو
هاي تونس كيفاش ردوها هايلة. هاو اش عاملين في أختي. هاو اش عاملين في سنية
Ramla Dahmani Accent

