عندنا ناس دمها سخون ياسر شماجا تشعل…. خاصة في مواضيع معينة كي حكم الاعدام…. وما اسهلو حبل المشنقة كي يكون داير برقبة غيرك وانت ما تتصوروش يدور برقبتك انت والا رقاب ناس تحبهم
المدة اللي فاتت الفايسبوك شعل بالدعوات للاعدام بمناسبة مشكلة روضة النصر اللي توا حسها بات وما عرفناش وين وصلت الامور في الادانة والا التبرئة وما قعدت كان الاصداء متاع دعوات القتل اللي ما طاحتش في وذن طرشه فيما يبدو بما ان رئيسكم يفكر في تفعيل حكم الاعدام
…. انا بكل وضوح ضد حكم الاعدام وعندي الحجج متاعي … لكن حتى لو فرضنا الموضوع يناقش فموش توا وموش في ظل حكم قيس سعيد… الراجل شتام خوّان ولبارح برك قاللك « يدعون انهم معارضون وهم مجرمون » فكيفاش تأمنو على حياة الناس اللي يعارضوا فيه !؟ !؟
نزيهة رجيبة