الخبر: « هيئة الانتخابات » تحضر في مركز توثيقي بش تفتحوا في فيفري
التعليق
الهيئة لازم تحط زادا في « مركزها التوثيقي » أنه
جوهر بن مبارك وعبير موسي وسامي بن سلامة محكومين سنوات سجن على معنى 54 بسبب شكاياتها
وتزيد تحط اسماء المرشحين الي في الحبس الي شككت في تزكياتهم وحرمتهم من حقوقهم الدستورية
مراسلات التنبيه والتهديد بالتقاضي الي بعثتهم لوسائل الإعلام الي طرحوا في برامجهم وانتاجهم الشأن الانتخابي
هيئة قيس سعيد زادا لازم تحط شكاياتها ضد منظمات وجمعيات المجتمع المدني ومنعهم من أداء دور الملاحظة والمراقبة للرئاسية الي جرا قيس سعيد وحده فيها وربح بفضل مجهوداتها
المفروض زادا الهيئة الي رأسها قاضي تحط في مركزها التوثيقي كيفاش تم إقصاء كل المرشحين وضرب عرض الحائط قرارات المحكمة الإدارية
قرار سحب اعتمادي للتغطية يتحط في كواترو كبير في مركزهم المفروض خاطرو سابقة في الشعوذة
خولة بوكريم
