بعيد عن السياسة
ونحكي بالقانون
إلي نعرفه أن المحكمة أول جملة تقولها
إما حضر المتهم بحالة سراح
وإما أحضر المتهم الموقوف (وهنا المقصود الموقوف على ذمة القضية الي ماثل من أجلها أمام المحكمة )
وإما أحضر المتهم الموقوف في غيرها
وهنا نعتبر الي الأستاذة عبير موسي كانت على حق لما توجهت للمحكمة بالسؤال عن وضعيتها
وزادة من حقها باش تطعن في تركيبة هيئة المحكمة الي نعرفو كلنا الي الدائرة الجنائية الي تنظر في القضايا الي عندها صبغة ارهابية محددة بالقانون
وبالتالي لازم المحكمة تجاوب على الدفوعات الشكلية الي تثارت أمامها باش يكون قضاءها سليم من هذه الناحية
ملاحظة : الرجاء الي يجهل الإجراءات من غير ما يعلق هاك التعليق الساذج هاك تدافع على الفاسدين وعلى جماعة النظام البائد
راني ندافع على احترام الإجراءات وعلى ضمانات المحاكمة العادلة للكل إلي يعجبوني وإلا ما يعجبونيش وإلي نتفق معهم سياسيا وإلا أيديولوجيا وإلا نختلف معهم
يظهرلي ما أكثرش من هذا الوضوح
القاضية كلثوم كنو