صباح الخير يا جماعة
بعد تصريحات صديقي الجورشي لحمي قشعر وتذكرت الآية » يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ » .. وكلامو يحمل جرأة كبيرة.. ويجب اخذه مأخذ الجدّ: معناه إذا تكشف الجهاز السرّي الثوابت تطيح في الماء الآسن..؟؟؟؟ لأنّ الجهاز السرّي أقوى من التنظيم بكلّو ولا يأتمر بأوامره .. وهو الدماغ المقرّر بالقول والسلاح .. خاصية ثانية يتميّز بيها أعضاء الجهاز السرّي هي أنّهم ما يعرفوش بعضهم.. حتى الأخ مع أخيه والأم مع أبنائها أو زوجها .. وإذا ارتعدت فرائص الجورشي معناه المسألة ما فيهاش لعب…يكونش أحد الوزراء من الجهاز السرّي؟؟؟ أو حافظ؟؟؟ لالا .. هذي ما تكون كان ليلى طوبال من الجهاز السرّي … حتى ذِكر الباجي ما يحيرنيش لأنّو ميّال ليهم طيلة 4 سنوات.. إمّالا لازم عبد المجيد الشرفي.. نطلعشي أنا من الجهاز السرّي و لا على بالي؟؟؟ لا هذي ما تكون كان ألفة يوسف.. لكن هاشم بكلهم ما يقلبوش الدنيا كيفما يوم الحشر… آه لقيتها. وما تكون كان هي وباش تقلب المعطيات كاااملة: باش نكتشفو .. إذا واصلنا الحفر في أسرار النهضة أنّ الشهيد.. شكري بلعيد هو أحد قياديي الجهاز السريّ وتمّت تصفيته كيفما يفعلو في أجهزتهم السرية.. بالك الشهيد البراهمي كانت له يد؟؟ ولذلك انتقم مناصرو بلعيد منه؟؟؟؟ آه توّة بدات الحكاية تتوضّح .. فبحيث نشكر السيد الجورشي على هذا التحذير اللي باش يدخلنا في حيط برلين اللي بقى منّو طرف للذكر
جاتو نيلة قالتها أختنا المصرية… والله الجماعة شربت حبوب الهلوسة.. ثمّة غرم أكثر ملّلي احنا فيه؟؟؟ يا مزّين من برّا… آشْ حالك من داخل؟
الدكتورة نائلة السليني