كتبت اليوم الصحفية شهرزاد عكاشة التدوينة أسفله ،على صفحتها الرسمية في الفايسبوك ، ترد فيها على الخوامجي نور الدين البحيري رئيس كتلة الخوامجية بمجلس نواب الشعب
يا نور الدين يا بحيري يا اللي تقوّد بي لناجي البغوري.. اسمع ها الكليمتين
التحريض على القتل مارستوه انتوما من 2011 لليوم .. انتوما اللي حرضتوا على شكري و انتوما اللي دعيتوا لقانون الحرابة و انت اللي كل مرة تهدد في التوانسة بالحرب الاهلية و بعشرات الاف الانتحاريين… و الصحبي عتيق متاعك دعا للسحل و شيخك راشد حكى على السلفية الجهادية و قال ابناءه … و انت في تصريحك لقناة السياسي حكيت على قواعدكم و هددت بيها التوانسة .. عاد شكون اللي يحرض على القتل؟ يعني كلامك مردود عليك خاصة انت المعروف بالسفسطة و مجانبة الحقيقة دائما.. و راهو من المسيء للشرف انو واحد كيفك يحكي عليه يا نور الدين يا بحيري… و لذلك اتق الله في الشرف و ما عادش تحكي عليه
ثم راك تسميني ما تسمينيش ما يعنينيش و تنجم تضربلي على الطيارة انت و اللي ماشي تشكيلهم و انا راني معروفة ما ننضبط لحد ..لا لنقابة الصحفيين اللي طالب منها تستدعاني و لا لغيرها… تي اصلا ناجي البغوري اللي تستنجد فيه وقت تجي قدو يلبس و ما نراتيهش لا هو لا غيرو
و لذاك اكنس قدام باب دارك و نقولها و نعاودها العركة معاكم معركة وجود و اذا تكملوا كل مرة واحد فيكم يهددنا بالحرب الاهلية عادي بش نرفعوا السلاح بش ندافعوا على رواحنا و على بلادنا مش كيفكم انتوما رفعتوه مع تنظيمات ارهابية و حرضتوا على رفعه في وجه دول شقيقة … و مش بش يغرنا الكذب متع فصل الدعوي و السياسي .. في مصر رقدتوا 80 سنا و رجعتوا لاصلكم .. يعني ما تصفاوش
