اليوم محمد التليلي المنصري حكى على المجهود اللي تعمل فيه هيئة الانتخابات من أجل ترسيم كل مواطن في العمادة اللي ينتمي ليها بعد ما تم إعداد التقسيم الإداري الجديد ونشره في الرائد الرسمي
سي المنصري قال اللي الهيئة (المستقلة) تعمل في تقاطعات متع بيانات باستخدام المعطيات المسجلة في (إيفاكس) منظومة التلاقيح اللي تعملت وقت الكوفيد، وهنا يتطرح أكثر من سؤال حول مسألة المعطيات الشخصية، وتفهم علاش ثمة تخوفات من قواعد البيانات البيومترية الأمر اللي عطل المشروع من عام2016
القضية مرتبطة بأزمة ثقة بين المواطن والسلطة التنفيذية اللي بش تستحوذ على البيانات وتنجم توظفها وتستخدمها كيف ما تحب هي، وهذا ما نعتقدش ممكن يصير في دول أخرى تحترم حق الفرد في حماية معطياته
وهكذا تسجل في منظومة تلقيح تلقى بياناتك تحوس في البناء القاعدي
ولا رجوع إلى الوراء
عامر بوعزة