الثقافة في تونس كي البهيم القصير، أصلا ماشي في بالهم ترفيه، حاجة ثانوية، الغلبة كل ما تصير ضيقة الا ويمسحو اديهم فيها .. من حادثة العبدلية وتفجير متحف باردو وتكفير المثقفين والاعتداء عليهم، مطبات وراء بعضها.. وبعد تخفيض الميزانية من جراء الكوفيد وزيد توا قالك إغلاق المسارح ودور السينما .. في بالك سي المشيشي كي تسكرهم شكون باش يكون بطال في وقت ضيّق كيفما هكة؟ تعرف سي الشميشي المهن والاختصاصات المربوطة بأي منتوج ثقافي؟زعمة تنجم تتخيل حجم الفاقة إلي باش تحطهم فيها في الوقت الحساس هذا؟ راك غالط سي المشيشي
تمثّلك للثقافة غالط.. الثقافة قطاع حيوي كامل يدّخل فلوس أكثر من قطاع النقل كيما فرنسا مثلا، ومساهمتها في الناتج الداخلي الخام متاع الدول الي تعطيها كارها يكون أقوى من قطاعات كيما النقل.. الثقافة موش وزارة الثقافة، الثقافة هي إرادة دولة ومشروع وطني يحل المخاخ ويدخل بارشا فلوس غير السياسيين بصفة عامة في الجهل لعينيهم بالاخص كي يسمعو كلمة ثقافة وغير نحنا عنا بلاد أما ما عناش دولة
سيب العروض
سيماء المزوغي