صباح الخير
إلّي ينجّم يبعث لمونبليزير عصير الـ « بونْبلوموس » وما تيسّر من التيزانا وحرابش الأعصاب… يظهر فيهم الجماعة اتنرفزوا وطلعلهم الدّم وخرّجوا الخوانجيّة إلّي فيهم… إلّي هي حقيقتهم
أحنا نشيخوا عالتهديد… جوّنا « فرررررت » : وبما أنّكم إنتوما تفرّجتوا علّي صار بين 17 ديسمبر و14 جانفي في تلافزكم … ما تعرفوش إلّي شعار » لا خوف بعد اليوم » إلّي ترفع في المظاهرات وتكتب على الحيوط ما زال ساري المفعول لليوم وغدوة وبعد غدوة
ما تهدّدوناش… الحرية تفكّت بالدم وما ناش مستعدّين نفرّطوا فيها مهما كان الثمن
ما تهدّدوناش … شفنا خصايلكم ومحضرّين أرواحنا للنهار إلّي تلوّحوا فيه الكرافاتات والكساوي
ما تهدّدوناش… أحنا مالكين الأسلحة الفتّاكة: حبّ البلاد والامل إلّي مهما صار باش تقعد واقفة شامخة وصامدة
بيزو
ليلى طوبال