يقلّقوني كان العباد إلّي عندها استعداد تبيع روحها وتبيع تونس

miboun tunisien kahlaouisahbi-atig-anc tunisie terrorisme فمّة حاجة عندي مدّة نحبّ نقولها وما لقيتلهاش وقت… قلت الليلة بعد ما واحد دمّوا راب بالكحلاوي وعتيق يبدّل شوية الجوّ… أيّا يا سيدي ويا للّة… الناس على كلّ لون يا كريمة في الفيسبوك… ناس تهبّط تصاور الصبابط المرصعّين بالديامنت الفالصو… وناس تلطخ بوكي نوار عالصباح… وناس ما تعرف تقول كان نبكي عليك يا تونس… وناس ما تعرف كان تنبّر… وناس تستدعاك باش تلعب وإنت في قمّة التأزّم… وناس تبدّل تصويرة البروفيل 60 مرّة في الدقيقة… وناس تحلّل… وناس تنظّر… وناس تنكّت… وناس تهبّط في الموزيكا… إلّي ما نيش فهمتو… علاش فمّة عباد تحبّ الناس الكل فرد مشطرة… حكك سردينة ونسخ غير مطابقة للأصل … يا أولادي كل واحد يتلهى في حيطو… تي خلّيوا كلّ واحد يكتب إلّي يحبّ ويبرتاجي إلّي يحبّ … ويعبّر كيما يحبّ… أنا ما يقلّقني شيّ… يقلّقوني كان العباد إلّي عندها استعداد تبيع روحها وتبيع تونس

ليلى طوبال