رصّاطلي أنا نبكي وهي تفركسلي في محرمة

toubel leila artiste tunisieليلى طوبال
قبيلة وقّفتّني مرى كبيرة شويّه في العمر قالتلي يا بنيتي إنت ليلى طوبال… قلتها إي صباح النور… قالتلي وووووه حمد الله إلّي ريتك في الدنيا… راني كي نتفرّج فيك في التلفزة قلبي يبدى يرعش عليك كاينّك وحدة من أولادي… وبنت ولدي عمرها 17 سنة مغرومة بيك في الفايسبوك… ديما تقلّي مامي إيجا نقرالك آش كتبت ليلى طوبال… إيجى شو محلاها تصويرتها… يا بنيتي بالله خلّيني نبوسك ونعنّقك… عنّقتها… حطّت يدها على راسي وبدات اتمتم… وأنا عاطية الطّوع… كمّلت… غزرتلي في عينيا وقاتلي قريت عليك آيات الكرسي وأسماء الله الحسنى باش ربّي يصونك ويحميك… الله لا تمرضّك والله لا يخلّيها بيك.. قلتلها عيّشك… آش اسمك … قالتلي ناديلي أمّي… رصّاطلي أنا نبكي وهي تفركسلي في محرمة